Баланың өмірінде бос уақыт тек демалу, тынығу үшін емес, рухани қажетін өтеуге, ойлау қабілетінің жетілуіне, жалпы жан – жақты болуына арналады. Дұрыс тиімді ұйымдастырылған бос уақыт – олардың рухани өмірін, көзқарасын толықтырылуын қамтамасыз етеді. Осындай мақсатпен 15 қыркүйек күні мектепалды даярлық тобы оқушылары мектеп кітапханасымен танысып қайтты. Олар кітапхананың барлық бөлімдерімен танысып, қызықты ребустар шешіп, кітап көрмелерімен танысты. Ұсынылған кітаптар кітапхананың кішкентай оқырмандарын бірден баурап алды.